دهنگوباس - دكتۆر بهرههم ئهحمهد ساڵح جێگری سهرۆك وهزیرانی عیراق رایگهیاند عیراق و ویلایهته یهكگرتووهكانی ئهمریكا یاداشتێكی لێكتێگهیشتنیان ئیمزا كردووه بۆ زیادكردنی ژمارهی ئهو خوێندكاره عیراقییانهی دهنێردرێن بۆ ئهمریكا بۆ تهواوكردنی خوێندن و ههروهك ژمارهی ئهو خوێندكاره عیراقییانه بۆته دوو هێنده كه له چوارچێوهی بهرنامهی فۆڵبرایتدا دهچنه ئهمریكا بۆ بهدهستهێنانی بڕوانامهی باڵا لهو بوارانهدا وڵات پێویستیی پێیانه.
ئهمڕۆ دكتۆر بهرههم ئهحمهد ساڵح جێگری سهرۆك وهزیرانی عیراق لهگهڵ كریستۆفهر هێڵ باڵیۆزی ویلایهته یهكگرتووهكانی ئهمریكا له بهغدا و ژمارهیه بهرپرسی عیراقی و ئهمریكی و ژمارهیهك له خوێندكارانی بهرنامهی فۆڵبرایت كۆبۆوه و گفتوگۆیان كرد له بارهی چۆنیهتی پهرهپێدانی پهیوهندییهكانی نێوان عیراق و ئهمریكا و دانانی رێ و شوێنی پێویست بۆ ئهوهی رێكهوتنی چوارچێوهیی نێوان ههردوو وڵات له بواری رووناكبیری و پهروهردهدا باشتر جێبهجێ بكرێت و یاداشتێكی لێكتێگهیشتنیان ئیمزا كرد بۆ دهستپێكردنی بهرنامهیهكی فراوان بۆ رهخساندنی دهرفهتی پێویست بۆ ژمارهیهكی زۆرتری خوێندكارانی عیراق بۆ تهواوكردنی خوێندن له ئهمریكا و ههروهك بڕیار درا لهسهر زیاد كردنی بهشی عیراق له بهرنامهی فۆڵبرایت بۆ دوو هێنده، كه بۆ ساڵی خوێندنی داهاتوو 70 خوێندكاری عیراق له بری 35 خوێندكاری ساڵی خوێندنی پێشوو سوود له بهرنامهی فۆڵبرایت وهردهگرن.
دوا بهدوای كۆبوونهوهكه، جێگری سهرۆك وهزیرانی عیراق و باڵیۆزی ئهمریكا له بهغدا كۆنگرهیهكی رۆژنامهوانیان سازكرد و رووناكیان خسته سهر كۆبوونهوهكه و دهرهنجامهكانی و گرنگیی ئهو یاداشتهی له نێوان ئهمریكا و عیراقدا ئیمزا كرا.
لهو بارهیهوه د. بهرههم ئهحمهد ساڵح رایگهیاند ئهمریكا و عیراق ئاستی پهیوهندی و هاوكارییهكانیان زیاد دهكهن و بهرنامهیهكی فراوان دهست پێدهكات بۆ رهوانهكردنی خوێندكارانی عیراق بۆ ئهمریكا بۆ تهواوكردنی خوێندن ئهوهش دهرفهتێكی باشه بۆ ئهوهی خوێندكاران و لاوانی عیراق پهره بدهن به توانا و لێوهشاوهییان و دهرفهتێكی گهورهیان بۆ فهراههم دهبێت بۆ خۆ تهیار كردنیان به زانست و زانیاری نوێ و خزمهتكردنی گهل و وڵاتهكهیان به شێوهیهكی باشتر.
بهرههم ساڵح ئاماژهیدا بهوهی كه رێكهوتنی چوارچێوهیی نێوان ههردوو وڵات وهك مهرجهعی پهرهپێدانی پهیوهندی و هاوكارییهكان تهماشا دهكرێت و سوپاسی رایان كرۆكهر و كریستۆفهر هێڵ باڵیۆزانی پێشوو و ئێستای ئهمریكای كرد بۆ هاوكاری و پشتگیریان لهسهر خستنی ئهو بهرنامهیه و رایگهیاند له سهرهتای مانگی داهاتوودا وردهكاری دهستپێكردنی بهرنامهی زهمالهی خوێندن له ئهمریكا بڵاو دهكرێتهوه و ههموو خوێندكارێكی عیراقی بۆی ههیه لهو بهرنامه فراوان و گهورهیه سوودمهند بێت.
ههر لهو كۆنگرهیهدا، كریستۆفهر هێڵ باڵیۆزی ئهمریكا له بهغدا رایگهیاند عیراق و ئهمریكا بهردهوامن له ههنگاو نان بهرهو پتهوكردنی پهیوهندییهكان و جێبهجێ كردنی خاڵ و بڕگه و ناوهرۆكی رێكهوتنهكانی نێوانیان، ئهمساڵیش سهرهتای دهستپێكردنی بهرنامهیهكی فراوانی زهمالهیه كه گهورهترین پرۆژهیه لهسهر ئاستی رۆژههڵاتی ناوهڕاست.
دهربارهی هیوا 
